مساء اللوليتا
ياجماعة انا عندى حالة غريبة
انا نفسى اتتكلم وارغى انا نفسى بجد اتكلم وارغى فى مواضيع كتير
يلا مهى الاجازة جت اخير بعد شهرين طلعت عين ابويا من المذكرة
بعد شهرين من الدح والمذكرة المستمرين
انا اية اللى دخلنى هندسة ماكنت اتجوز واعقد فى البيت دة فين لية صحابى متجوزين ومخلفين كمان
يلا هطل باه نعمل اية
ومع انى اخدت الاجازة من اسبوع بس
بدئت امل امال لو فات شهر هعمل اية
اه مليت وزهقت اصلى مش لاقية حاجة اعملها
هتقولولى اخرجى اتفسحى مع صحابك هقولكوا صحابى الانتيم من محافظات تانية يعنى بعاد عنى
يعنى هفضل قاعدة فى البيت طول الاجازة تقريبا
مع ان الاجازة مملة بس بينى وبنكم احسن من المذكرة والقرف ووجع الدماغ والسكاشن والمحاضرات
اوووووووووووووف مش تفكرونى
ايوة باه عن طاقة وحيوية فظيعة انى اكتب موضوع كل يوم اصلى من زمان اوى ماكتبتش مافضفتش
عوزة ارقص اغنى اضحك بصوت عالى عوزة انكش شعرى واهبل شوية
عادى ياجماعة ماتستغربوش بتحصل فى احسن العائلات
مع ان قلبى مجروح وزعلانة بس لازم انسى وافرفش
وطز وطزين فى اى حاجة تدايقنى
28 يونيو, 2009 02:09 ص