كل دة وقلبى لسة بيسميك حبيب
امبارح وانا رجعة بليل على البييت كان فى تك تك ماشى فى الشارع وكان معلى صوت الكاست
وكانت شغاله فى اغنية نجاة القريب منك بعيد
نا
مش عارفة لية بس تق
فاعدت وانا ماشية فى الشارع ادندن الاغنية
وعلقت فى راسى من زمان اوى مش سمعتها
وطبعا سرحت لبعيد اخدتنى دماغى او قلبى بالاحرى لافكارى الغربيبة
واعدت اسئل نفسى هوة لية قلبى مش بيسمع كلامى؟؟
انا ديما بقف عند جمله كل دة وقلبى بيسميك حبيب
بقف عندها وبتنهد
آه
يعنى مهما جرح فينا اااى بنحبه ومهما عذب فينا
مش بنقدر نكره او ننساه مهما عمل فيريبا عشان القلب غير العقل تماما
العقل بيقول شمال والقلب يقول يمين كل واحد ماشى فيهم فى سكة لوحدة ملوش دعوة بالتانى
كل واحد فيهم فاكر نفسة هوة اللى صح
بس اللى بنقدر نحس فية هوة القلب لللاسف
هوة اللى بينبض فينا
هوة اللى بيخلى دنيتنا بمبى او بيخليها سودة مرة واحدة
هوة اللى بيخلينا نقول آه
وهوة اللى بيخلينا نقول الله يااااااااااااااه برضة
مش عارفة بس اكيد كل واحد فينا حب او انجرح وعارف القلب بيعمل فينا اية
بس برضة لية قلبنا مش بيسمع كلمنا
لية قلبنا عايش مع نفسة فى احلامة
ويجى فى الاخر يقول آه
مهما عمل فينا اللى بنحبه مهما جرح فينا برضة بنقدر نسامحة
بيقدر قلبنا يحبه اكتر واكتر
بيقدر قلبنا يسامح ويغفر اكتر من مرة
مش عارفة امال الناس الشريرة اللى بيقولوا قلبهم قاسى
خلوا قلبهم قاسى ازاى
ولا هية طبيعة بتبقى فيهم من الاول
ماعتقدتش ان فى انسان اتخلق قلبة قاسى كدة على طول
ولا هما مش بيحسوا ولا اية نظامهم
ولا حابسين قلبهم عزلينة عن اى حاجة ممكن تاثر فية
ماعتقدتش برضة انهم ممكن يعزلوا قلبهم او يقتلوه
دة قلب برضة فى الاول والاخير
مش عارفة
بس مش بيقولوا ان جوة كل واحد فينا طفل يمكن الطفل دة قلبنا
يمكن قلبنا مش بيسمع الكلام عشان هوة طفل صغير
وهوة من امتى الاطفال بيسمعوا الكلام
الا من رحم ربى
آ ه ياقلبى كل دة ولسة قلبى بيسميك حبيب
08 اغسطس, 2009 05:04 م